დღეს გუნდმა იოტამ ბაკურ სულაკაურის გამომცემლობის წიგნებითურთ დიდუბის ბაზარს მიაკითხა, თავიდან ვფიქრობდით რომ დახლი შიგ ბაზარში გვექირავა, მაგრამ რადგანაც ხალხმრავლობა მეტროსთან შეინიშნებოდა გარე გამყიდვლებს მივუდექით გვერდით, მეტროს გამოსასვლელთან.ვიქირავეთ დახლი, გავშალეთ წიგნები და შევუდექით საქმეს. ამ ყველაფრამდე კი ბაზარში გამყიდვლები დავიარეთ, გავაცანით კატალოგები, შევთავაზეთ ფასდაკლება წიგნებზე და შეკვეთებიც მივიღეთ მათგან. ძირითადად შვილიშვილებისა და შვილებისთვის უნდათ წიგნები, ზოგსაც თავისთვის, შუადღეს როცა ბაზარში კლიენტურა კლებულობს ვაჭრობას ანაცვლებს წიგნი, სასურველია რომ პირიქით იყოს მაგრამ მატერიალურ სამყაროში ვცხოვრობთ.. თუ ვერ იშოვე ფული [ამ შემთხვევაში ტანსაცმლისა და პროდუქტის გაყიდვით] ვერ იყიდი წიგნს. მოკლედ გუნდ იოტას და ბაკურ სულაკაურის გამომცემლობას დიდუბეში უკვე თითქმის ყველა გამყიდველი იცნობს. ხვალ და ზეგ ვუყიდით წიგნებს და ადგილზე მივუტანთ, დროის უქონლობის გამო რაც მძიმე სამუშაო გრაფიკის ბრალია იშვიათად თუ ახერხებენ მიაკითხონ წიგნის მაღაზიებს, ისიც გვითხრეს რომ ბაზარში ბუკინისტები დადიან, მათ აბარებენ სასურველ წიგნებს და ელოდებიან როდის დაბრუნდება ბუკინისტი მათ წიგნებთან ერთად.
ისეთი რიგები ედგა ჩვენს დახლს წიგნების გაყიდვა რომ შეგვძლებოდა ქალაქში არსებულ წიგნის მაღაზიებს გაყიდვების რაოდენობით ნამდვილად არ დავუდებდით ტოლს. როგორც არაერთხელ აქაც შეგვხვდნენ გამომცემლობის ერთგული მკითხველები, შეგვხვდნენ ასევე შიმშილის თამაშების გათამაშების დროს ვაკის პარკში იქვე მოძებნილი მოხალისეები.რამდენიმე დაინტერესებულმა გამოთქვა სურვილი რომ გამომცემლობის წიგნები არა მარტო წიგნების მაღაზიებში არამედ მსგავს ხალხმრავალ ადგილებშიც იყიდებოდეს. მიუხედავად იმისა რომ დღევანდელ დღეზე კიდევ შეიძლება ერთი ამდენის დაწერა თავს აღარ მოგაწყენთ [დიდი პოსტია ისედაც] და შემოგთავაზებთ ფოტომასალას.
No comments:
Post a Comment